კონკურსი “მეგობრობა და ვეფხისტყაოსანი” facebook-გვერდზე მიმდინარეობდა და 25 ივლისს დასრულდა.
დღეს ორი გამარჯვებული გამოვლინდა – სათიკ აგაიანი და ვახტანგ აგაჯანიანი. სათიკი ნინოწმინდის სასწავლო ცენტრის მსმენელია, მან მოწონებების ყველაზე მეტი რაოდენობა დააგროვა, ხოლო ვახტანგი წალკის რეგიონულ სასწავლო ცენტრში ეუფლება ქართულ ენას, იგი ჟიურის რჩეული გახდა. გამარჯვებულებს საჩუქრად გადაეცათ მოოქროვილი “ვეფხისტყაოსანი”, ილუსტრირებული სერგო ქობულაძის მიერ, და სკოლის ბრენდირებული სასაჩუქრე ნაკრები.
ჟვანიას სკოლა ულოცავს სათიკსა და ვახტანგს გამარჯვებას და უსურვებს მათ წარმატებას, ხოლო დანარჩენ კონკურსანტებს მადლობას უხდის მონაწილეობისთვის.
