მისი თქმით, ეს ვიზიტი საქართველოსა და თურქეთის დიპლომატიური ურთიერთობების 25 წლისთავს ემთხვევა.
“უნდა აღინიშნოს, რომ ამ წლების განმავლობაში საქართველომ და თურქეთმა ჩამოაყალიბეს ნამდვილად სამაგალითო ურთიერთობა. ჩვენთვის ძალიან მნიშვნელოვანია თურქეთის ძალიან მტკიცე მხარდაჭერა ჩვენი ტერიტორიული მთლიანობის, სუვერენიტეტისადმი, ევროატლანტიკური მისწრაფებებისადმი”, – განაცხადა მიხეილ ჯანელიძემ.
დღეს საღამოს საქართველოში თურქეთის პრემიერ-მინისტრი ბინალი ილდირიმი ჩავიდა. მასთან ერთად ქვეყანაში 7 მინისტრიც ჩამოფრინდა. ხვალ თურქეთისა და საქართველოს პრემიერების შეხვედრა შედგება.
