ნიკორწმინდის ტაძარი 2018 წელს სრულად რეაბილიტირდება
0
Be First!
27 ივლისს მთავრობამ ნიკორწმინდის ტაძრის სრული რეაბილიტაციისთვის 1 247 000 ლარი გამოყო. კულტურული მემკვიდრეობის ძეგლზე სამუშაოები ეტაპობრივად წარიმართება.
2017 წელს დაიწყება ტაძრის ფასადის ქვის, სამრეკლოსა და კედლის მხატვრობის რესტავრაცია, ხოლო 2018 წელს დასრულდება სრული სამუშაოები. მათ შორის ელექტრო-სამონტაჟო, ინტერიერში ნალესობისა და ფერწერის რესტავრაციის, მეხამრიდის და დამიწების კონტურის მოწყობა. რაჭაში მდებარე ნიკორწმინდის გუმბათოვანი ტაძარი ეროვნული ხუროთმოძღვრების შედევრია და მე-11 საუკუნით თარიღდება. ძეგლს არსებობის განმავლობაში დიდი ცვლილებები არ განუცდია. ეს კი იშვიათი შემთხვევაა. ტაძრის გუმბათი პირვანდელი სახითაა შემორჩენილი.
ნიკორწმინდის ტაძარს ეროვნული მნიშვნელობის კულტურული მემკვიდრეობის ძეგლის სტატუსი აქვს განსაზღვრული.
