გარდაიცვალა ვახტანგ რჩეულიშვილი

63 წლის ასაკში, ავადმყოფობის შედეგად, გარდაიცვალა ვახტანგ რჩეულიშვილი. ამის შესახებ ინფორმაციას ოჯახის ახლობლები ადასტურებენ.

ვახტანგ რჩეულიშვილი, დაახლოებით ერთი თვის წინ, ჯანმრთელობის მძიმე მდგომარეობით საავადმყოფოში მოათავსეს და დღეს, დილის 7 საათიდან უგონო მდგომარეობაში იმყოფებოდა. მას რამდენიმე კვირის წინ სიმსივნე დაუდგინდა. ექიმები ოჯახს იმედს აღარ აძლევდნენ. დაახლოებით საათნახევრის წინ ის აღესრულა.

ვახტანგ რჩეულიშვილი იყო საქართველოს მე-3, მე-4, მე-5 მოწვევის პარლამენტის წევრი 1992-2003 წლებში, მათ შორის 1992-1995 წლებში საქართველოს პარლამენტის სპიკერის მოადგილე. ვახტანგ რჩეულიშვილი „ცენტრ-პოინტის” ერთ-ერთი დამფუძნებელიც გახლდათ