სენაკელმა ბავშვებმა აღნიშნეს, რომ გამოგონება სტიქიის დაფიქსირების დროს შეტყობინებას აგზავნის სმს-ის სახით დარეგისტრირებულ მოსახლეობაზე.
სენაკის წმინდა ალექსი შუშანიას სახელობის სკოლა-გიმნაზიის მე-8 კლასის ხუთი მოსწავლე მაისში, ამერიკის შეერთებულ შტატებში, NASA-ს კოსმოსური ცენტრის უნივერსიტეტში გაემგზავრა. ეს წარმატება ახალგაზრდებს მცირე ზომის მოწყობილობამ მოუტანა, რომელიც მათ საკუთარი ხელით, სკოლის ლაბორატორიაში შექმნეს.
სენსორებისგან, მაგნიტის თუ სხვა პრიმიტიული ტექნიკური აღჭურვილობისგან დამზადებული მოწყობილობა არის შეტყობინების სისტემა მეწყერსაშიში ზონებისთვის, რომელიც მყისიერად აფიქსირებს ნიადაგში წარმოქმნილ ცვლილებებს და ზღვრული ნორმის გადაჭარბების შემთხვევაში სიგნალს აწვდის აპარატურის ცენტრალურ სერვერს. პარარელურად ამ ინფორმაციის მიღებას ბაზაში დარეგისტრირებული მოსახლეობაც შეძლებს.
