სვანეთში პროფესიული განათლების ფესტივალი ჩატარდება

მესტიაში 19 აპრილს პროფესიული განათლების ფესტივალი გაიმართება, იუწყება მესტიის მუნიციპალიტეტის მერიის Facebook-გვერდი.

„ღონიძიების მიზანია წარმოგიდგინოთ სასწავლო შესაძლებლობები სვანეთში. განსაკუთრებით, ე.წ. „დუალური სისტემა“ (სწავლა და მუშაობა), რომლის გავლის შემდეგაც შეგიძლია მიიღო 3-თვიანი სტაჟიერება გერმანიაში, ან საქართველოს რომელიმე რეგიონში“, — ნათქვამია ორგანიზატორების მიერ გავრცელებულ ინფორმაციაში.
ღონისძიების ფარგლებში ასევე, ჩატარდება პრეზენტაცია პროფესიებზე, რომელსაც კოლეჯი სთავაზობს და პრეზენტაცია თემაზე „როგორ გამოადგება კოლეჯი შენს მომავალს”.

ორგანიზატორების თვალსაზრისით, ფესტივალი განსაკუთრებით საინტერესო იქნება16-დან წლიდან 30 წლამდე ასაკის ადამიანებისთვის, ვისაც სურს მიიღოს განათლება კარიერული ზრდის მიზნით; მე-11 დამე-12 კლასების მოსწავლეებისთვის პროფესიული ორიენტაციისთვს. ორგანოიზატორთა თქმით, ფესტივალი ასევე დააინტერესებს მათ, ვისაც აქვს საკუთარი ბიზნესი: ესენი არიან საოჯახო სასტუმროების და რესტორნების მფლობელები, გიდები, მძღოლები, მომსახურების სფეროს სხვა მუშაკები.

პროფესიული განათლების ფესტივალი ახალგაზრდული კლუბ „ბეთქილის“ ტერიტორიაზე გაიმართება.